Gweithiodd Gordon Stewart ym myd cerddoriaeth cadeirlan eglwysig; yn gyntaf ym Manceinion, yna yn Blackburn. Am 30 mlynedd bu’n organydd yn Neuadd y Dref Huddersfield gan chwarae cyngherddau rheolaidd yno ar organ y Tad Willis o 1860. Mae bellach yn Organydd Emeritws.

Mae wedi cael ei recodrio’n chwarae ar organau yn y DU ac yn Ne Affrica ac wedi chwarae concertos gyda Cherddorfa Ffilharmonig y BBC, Cerddorfa Siambr y Gogledd, Cerddorfa Opera’r Gogledd a Cherddorfa Victoria. Darlledodd yn rheolaidd am 20 mlynedd fel organydd ac arweinydd ar radio a theledu’r BBC, yn bennaf fel cyfarwyddwr cerdd Daily Service, Sunday Half Hour ac Songs of PraiseMae hefyd wedi dysgu am sawl blwyddyn yng Ngholeg Cerdd Brenhinol y Gogledd a Phrifysgol Caergrawnt.  

Mae repertoire Gordon yn gynhwysfawr. Mae wedi chwarae cyngherddau ledled y DU, gan gynnwys Cyngherddau Enwogion yng Nghadeirlan Sant Paul, Abaty Westminster, Cadeirlan Westminster a led led Ewrop, yr Unol Daleithiau, De Affrica, Awstralia a Seland Newydd.

Mae’n gyn-lywydd Cymdeithas Gorfforedig yr Organyddion. Mae wedi derbyn cymrodoriaethau er anrhydedd gan Goleg Brenhinol yr Organyddion, Ysgol Frenhinol Cerddoriaeth Eglwysig ac Urdd y Cerddorion Eglwysig, a doethuriaeth er anrhydedd gan Brifysgol Huddersfield. Yn 2023 dyfarnwyd Medal Ymerodraeth Prydain iddo yn Anrhydeddau Pen-blwydd cyntaf y Brenin.

(Bydd te a chacennau ar gael ar ddiwedd y datganiad).